Balaod o Prinsipyo?
by CardinalB ~ June 10th, 2008. Filed under: SineBuano Articles.Adunay usa ka nailang tawo nga tigmugna og mga pasundayag sa puting tabil nga mi-ingon:
Gikinahanglan nga ang gitas-on sa mga salida adunay kalambigitan sa pag-antos sa pantog sa manan-away.
Bisan tuod ang maong panultihon nga daw bugal-bugal paminawon, aduna kini’y gamay nga kamatuoran. Kay mao man kini ang gipamatbat ni Alfred Hitchcock sa dugay na nga panahon. Kung nakakita ka og mga karaang salida, aduna gayo’y “intermission” nga gipamutang sa puting tabil samtang nagduyog ang musika. Naandan na man nga taas ang gidugayon sa mga salida kani-adto.
Kinahanglan ba kita nga musunod sa mga “balaod” isip giya kung kita magmugna og mga salida?
Angayan ba nga sundon ang balaod o ang mga nagkadaiyang prinsipyo?
Nagpasabot ba nga gidili ang pagmugna og mga salida nga muabot og napulo ka oras kay naandan na man ang duha o tulo ka oras?
Aduna’y mga tawo nga nagkrukabildo kabahin niini… apan sa usa pa’ng kinaraang panultihon, – nga kita kinahanglan makahibaw sa mga prinsipyo sa dili pa nato kini supakon.
